冬日西灣遊

今日去左行山，雖然氣溫只有十度至十幾度之間，但行落都唔係好凍，基本上都係邊行邊出汗，由西灣行去北潭凹(坳)，經過大浪灣的幾個沙灘，風景真係幾靚，係天氣凍左少少。水清沙幼，感覺不像香港，不竟係比較難去的沙灘，無乜人去先Keep得咁好。

之後係鹹田灣食左個晏，就一直都係山路，冬天下一路上的草都係枯枯黃黃，係中途見到有D花開左，有蜜蜂採蜜，這是第一隻用相機打下的蜜蜂。

歷時五個小時，咁就行完左，一路上有兩段路行到好攰，因為不停上斜，加上拼命追幹，攪到自己上氣唔接下氣咁。今次行山渣左車入西貢，估唔到泊車變得咁貴，埋單過百，不過因為渣車先早少少返到屋企。