舊禮物

昨天在家裏找到這個放在盒子裏很久的東西…盒裏仍然留著一點點值得紀念的東西，不過那個東西紀念的事情並不是關於我的…因為係生日禮物，又係親手摺的，所以一直放係盒到，收到親生造的生日禮物不多，就算有的都消化左…尤其是在這年頭，應該無乜機會再收到親手造既Loo...
所以一直保留住，係呢排張台多番個櫃桶，就拎佢出黎…我諗我都保存得幾好，因為都就快七年，不過佢無變色…

花墟一遊

Present完FYP，同2Ming、胡子食完飯就出太子，本來淨係諗住幫D倉鼠入貨…之後諗住買D水種植物放係屋企，就行左個花墟…好耐都未入過去，入到去發覺好多細舖頭都無左，反而同一間有好多分舖，唔知D舖頭係咪俾人收購晒。行黎行去都見唔到有細的水種植物，本來諗住買棵好似係HSBC幫阿May養果棵，不過間間賣的都好大，好懷果陣養果棵係咪水種…一路行一路見到好多康乃馨，諗起就到母親節…屋企又發生咁多事，買左一札平平地…

二十五蚊二十四枝，好平！不過未開。真係唔知點解買玫瑰要咁貴…未開的都好貴。對上一次買花俾阿媽唔知係幾時，真係不孝…

之後見到盤十幾蚊的紫蘿蘭，覺得好平又買左。

不過對比起一棵菜佢貴好多…屋企而家有兩棵Coffee草同Cactus，Coffee草同Cactus都唔識得開花，放盤花係到，好似會有D生氣…=.=突然間好似有好奇怪的思想…



之後再行過見到五蚊一棵的驅蚊草，諗起間房的Roomate成日怕蚊，成日唔係閂窗就係窗廉，間房好局，放呢棵野應該無蚊，我諗佢會肯開番D窗，二黎幫間房驅蚊，棵驅蚊草有陣未，好清新…唔知人對得多會唔會有事呢…

FYP Present

今日終於都Present 完喇！！
終於同FYP 講再見。不過仲要執下D Code 的Comment 拎去交~九點鐘Present，七點幾就起身，八點半上到課室Set 野，Present 的過程都好順利，Demo 的過程都好Smooth，兩個Reader都覺得個Project 幾好，而且無點問Technical Question，不枉整左成個星期的Flash，同埋琴日係Lab 的Rehearsal，有Prof 同TA 的 Comment，個Present 的流程同Content都改好左…最難果Part已經做好，FYP完之後就全職搵工…

Exhausted

昨晚收到Professor的Email，想我地係Lab rehearse…整埋個presentation 的野，試dem 左幾次，就係到寫script，全部人試讀左兩次，咁就兩點，返到自己房之後再將d script 打入部機，再讀…咁就三點…訓果陣Roomate 都未訓…本來都無諗住上九點堂，Set 左鬧鐘，八點幾響果陣，
真係好唔想起身，一醒就即刻拍熄佢…結果到十一點醒果陣，出黎食飯先知無端端有quiz @@，
咁又無左D 分…

成個星期都好攰，每日夜晚都不停咁整野，除左必要上的堂之外，好多都走晒，上緊堂都好想訓，Final Report 之後就溫IELTS，然後就係Poster，接著就係Present，除左星期六晚係屋企訓得幾好之外，返到hall都唔係好訓到。聽朝九點Present，真係好攰…

昨晚

琴晚有一次的Phone Interview，完全未試過，間公司約左我九點，會有一個NY 的HR Head 打黎，未到九點就開始等，開定公司網頁，又Drop 左D point 等答問題，為免有聲，同Roomates 都講埋，結果九點，無人打黎，繼續等…未試過，又要等，又唔知真係幾時打黎，真係不安…不過到左九點半就打黎，佢把聲真係好似做緊聆聽的Speaker咁，問左幾條基本的問題，就收線了…不過自己都答得唔係咁好，可能太緊張，又睇唔到佢的表情。之後的就係等消息…

FYP Poster

一晚的時間就完成左個FYP Poster，畫左D 好阿虫作風的公仔上去，然後就Cut 左Report D 紙上去，睇上去密密麻麻咁，除左第一頁的字比較少之外，我諗無人會繼續去睇第二頁，不過唔計分，友佢吧…

昨晨

上晝九點半去到沙田Interview，五個人坐係張好窄的枱到，我準時去到，但最遲係我，結果我坐左係主席位到…五個人寫好Form 之後，HR的代表就入黎，每個人介紹完自己後，個HR突然間問我…「你記唔記得你隔黎果個叫咩名，講左咩野？」@@ 係朝早未訓醒仲要無記到我隔黎果個的野下，只係講得少少，連個名都記得…In 完之後個HR 話，其實今日Interview…都係睇之後written test 個result =.= ，不過我見到我張Form 上面寫左個C字 =.=。之後做Test，份卷打錯好幾個字，有幾個Program根本compile 唔到，但又無果個choice…結果In 到十一點走，一行出黎就紅雨，無傘，好在Ryan有兩把…問佢借把就走，返到科大影影火雞…

New Desk

前日我張書枱換左，本來係張好大張好open 的枱，而家變左張咁的枱…係我畫的design，不過最後以便宜為優先，所以個樣同畫的有d出入，個樣可能好怪，但我間房好細，咁樣可以慳好多位， 之前張枱太大，間房的可企面積係兩人，而家可以企四個都得…

因為之前都唔係屋企，拆舊枱果陣，搬出黎的野一堆咁放左係房…考完IELTS之後就係咁執D figure 同書入番櫃，執下執下先發覺上年搬番hall既野返黎果陣，好多野都無認真執過，因為搬完野的第二日就係返HSBC，而家執執下先發現有好多野唔應該搬埋返黎，有好多唔係我的野，哈哈…遲D 係hall 搬的野應該會仲多… =.=

IELTS

今朝晨咁早起身去考IELTS，高估左路程，去到日航先七點半，等我仲六點起身，出黎果陣仲要見到D人完AGM，不過都係咁啱有小巴搭，又唔駛等先咁快去到…等火車無野做，嘗試下用手機影埋站火車先…



早到唯有係百周年公園坐下，好似D晨運客咁。

係日航酒店考，好懷疑點解佢張台唔可以硬D，張台個面都唔係木黎，係D 軟軟地好似Sofa的棉…不過好薄，寫第一筆果陣真係好怕篤串張紙…只好慢慢寫。做Pastpaper的效果的確唔錯，
不過到speaking test 就差D，一考完三份卷就直接去考speaking，工作人員乜都未prep 好，examiner 又未到，坐係到等等到呆呆下，到考果陣講野又講得快左，個interviewer 成日望個鐘暗示我唔係好夠，希望個result ok 啦…

精神

還真是很想一躺在床就訓著，躺下來，已經沒有好似之前咁仲諗緊野…不過都係訓唔著，感覺好唔舒服，太熱，唔係…太凍，又唔係…就算係打完波都係咁，訓唔著…太醒訓？有時好懷疑自己有冇訓著…最少係張床dean一兩個鐘先訓到…琴晚最後一次睇錶係五點…晨早又自己醒左，好攰，又訓唔番，聽日仲要考IELTS，本來諗住今日走lab黎溫，結果連朝早九點堂都無上，精神好差， 好WING的感覺…仲要做Pastpaper，希望聽日考果陣唔會係咁啦…

Room

Today I find there are several pieces of..."Mother Noodles" on the floor of the room. The first word in my mind is "Oh...". I really hope them to treat the room as home. I can endure their friends still talking when I am sleeping. I can endure the dust around their area. But I can't endure that pieces of food is left on the floor without clearing them. How come he can sleep on the floor with the food. How come they dont clean the table. How come this is the room that I am living. The room is already very poor ventilated, due to windows always open with small mouth.
I can endure this is to resist mosquito. But! I can't accept food is on the floor. This atrract ants or even... I forgot how to spell =.=. Without hesitation, I go up stairs, lending a vacuum cleaner and clean the room. I hope they won't make the room dirty again.

Badminton (HSBC)

今日又可以同一班舊同事打羽毛球，做Doc 做左一段日子，都無乜做過運動，上次隻手腫左之後都無做個Gym，越黎越無精神，又唔夠訓…今日打波果陣成日撻Q，打得真係唔係咁好，希望下次再打會好番D啦…

Quarrel

Always receive phone call from home at night. Home keeps arguing, arguing and arguing. Only a few days stop, then argue again and again. I have my eyes to see what is going on. Don't tell me the "truth" in your paradigm. Please listen to me.

This afternoon phone rang again. Just at the time when I was preparing for the presentation for GNED. Nearly wanted to cut off the converstation...

MTR

今日六點Interview完，諗住係上環搭番地鐵走，入地鐵站都唔見有事，又無廣播，一落到去等車個位就勁多人，塞滿左個月台，之後就聽到廣播話停二十分鐘，咁近中環站無理由唔出番去行過去，雖然會扣錢，行番原路，返唔到出去=.=，扶手電梯有落無上，返番月台，依然迫滿等車的人，要慢慢係人群堆咁穿過去，然後要行樓梯上番大堂，上到大堂，好多人排隊cancel 番八達通d錢，D工作人員又打開道閘俾人就咁走，諗住過中環站cancel，點知行到差唔多出口，聽到廣播，港島線停駛，可以出站唔扣錢=.=，行番落去好白痴咁係閘外面"du" 出黎，再行番出去，
MTR的事故反應原來都幾慢…至少搭咁耐火車，信號故障都即刻放個牌出黎俾人知，MTR仲要引人入去… 放工時間，無地鐵搭，一行番出地鐵站，成條街都係人， 一路塞住咁行去中環。真係黑仔， 又要著住套suit，又熱，好在落左幾滴雨就停左，一路行一路聽到D人的講話，都唔係好信港島線停左，但係成街都迫滿晒人，雖然我唔知平時放工中環係點樣…搭荃灣線去到太子先聽到港島線服務正常，都差唔多六點九…好在唔係返工時間，返工時間就慘lor…

Final Report (Continue...)

本來以為無乜問題，點知今日睇d seq diagram，先發覺同flow of event 有出入，返左屋企remote hall 部機改…好在條線快，remote 左咁耐都無斷過，不過見到咁錯時都幾燥，係我自己要求太高？無啦啦又有個親戚上黎…結果唔想突然間斷線之後上唔到網remote 唔到，就閂埋門唔食飯連個親戚都無嗌攪埋佢…好在唔係今日print…

Final Report

琴日夜左食飯，夜左做Doc，做到三點，不過十二點之後我都唔駛幫手o既…合三人之力整左百二頁，我諗都差唔多Gra…



三點回hall路上影影

Badminton Gatering (HSBC)

今日同舊同事去大角咀打羽毛球，隔左成個月無打波，所以有波打都會去，可惜終日做doc，精神差，打得差tim。成都打唔中個波，睇黎要練下波先得，睇下book 唔book 到下星期個場先~

FYP - Report

今日繼續做Report，不停咁打字，不停咁貼圖，D野執完又再執，對Mon 對得耐，對到標眼水。
去個廁所，咁就Miss 左個unknown call，成日都miss unknown call，不過今日紅日，我諗唔會有公司打黎掛…然後睇左「陣」動畫，又繼續做…不過要趕的野應該差唔多。

小同聚

踩完單車返大埔，同小學同學一齊打邊爐，每次都有唔同的人黎，每次都想講一次十年無見，正確D講應該係十一年…唔係住大埔，十年都唔見一次面，除左聚會有見果個D，有D真係十年都無講過野=.=，見番就會有另一番感覺。不過今次唔知點解變左生日會，十年後再一次的小學生日會。第一次試梁師傅的手勢，幾好味，可惜有D人病左唔食得，唔知下次幾時再聚…

Cycling

琴日同HSBC的舊同事去踩單車，指定路線︰大埔 -> 大圍，用左…差唔多三個鐘，慢慢踩，先去海濱公園，上回歸紀念塔，然後先出吐露港…

然後， 係吐露港見到臭豆腐檔，停一停，得我唔食臭豆腐…

Science Park，另一景點，停一停…

之後係馬料水隻船食左D野，繼續踩去大圍，中途無聊一路踩一路影左張相…

到左大圍之後一齊食雪糕…之後就同阿May 同Peter 係大快活打左陣NDS，就返番大埔Loo…

ps: 多謝Stanley的手信

舊同學

忽然間想搵番迦密o既同學，唔係大埔住真係無乜可能會見到，係街都係撞過一兩次，係科大都好少見到海狗，除左阿忠同黃鈞之外，都無乜人keep contact， 自從ICQ沒落同個個都畢晒業之後，更加難Contact， 不過係xanga 個blogring 見到有「堯社的人」， Join入去，埋下堆先…

尋找快樂的故事

上星期看的一套電影…都好耐無睇過戲…不過係享受緊一份生日禮物。雖然體會無比想像中咁深，或者係我領略唔到佢的意思，但亦有值得學習的地方，很多事無須看得太重。我就是對太多事反覆思量太多，也許要學習看得遠點點。

不停響的電話

呢兩日個電話都不停咁響…希望佢唔好半夜打黎，第一次聽果陣真係覺得自己好白痴，仲以為係有公司打黎，原來又係果D電話，好在佢都好有禮貌，唔會一黎就講粗口…不過唔聽就係我留言信箱留言，真係好煩。屋企轉左電話就變相打去我到，真係無奈。

巴士佬

呢兩日都係咁打呢隻叫「巴士佬」的game
http://www.busdrivergame.com
好正~好真實，渣巴士都幾難渣，要好遵守交通規則，轉線要打燈，又唔可以衝燈。不過最正係有雙層巴士渣 : ) 可以download 黎試下玩，個website有trail download。

新鞋

大慨有兩年幾無換過新鞋…之前對stan smith 本來都keep 得好白淨…係之後唔小心著左去打羽毛球同網球，就變到一撻撻咁…買左呢對color 好耐，但係一路都未拎得=.=，可以換果三條間的顏色的確係幾好玩 : )，不過要拆鞋帶，所以都係用住白色先！之後得閒先再換。

瓜子發芽

今日返到hall…見到roomate其中一個倉鼠籠入面d 瓜子發左芽…仲生左好多葉，見到隻倉鼠訓係d 草下面好似好enjoy 咁…一醒左仲行埋去食d瓜子葉=.=，唔知唔理佢，會唔會變左個生態球。不過…真係好污漕，木槺周圍都濕晒，都唔明點解佢地會養倉鼠，養左又唔理佢地。

Interview

星期六去o左數碼港interview，
雖然下晝一點去，感覺上好似間公司星期六下晝一點都仲開緊工。
不過都入到去感覺都幾好，至少係interview咁耐以黎感覺最friendly。
而且原來佢地星期六返office 係打波，唔係開工，好似幾好咁。
另外就係要onsite咁去client 的公司開工，唔駛真係返數碼港。
不過都係覺得自己答問題都仲係要改善下，有好多都仲未prep得夠。
In 完點半…搭車出番銅鑼灣，塞車塞左大半個鐘，食完野再返屯門，
返到屯門都四點半，著住套suit返屋企，天氣真係熱。