新寵物

最後屋企都係添置左隻狗係天台，如果佢聽教聽話應該會長住吧，希望佢生性啦！識得知「訂」去廁所就Very Good喇，話說呢隻狗仔無父母，我老豆唔知係邊執佢返黎，有少少沙皮狗的樣子…

新臺

終於都等到張新枱完成，話說應該係我阿爸最後一張幫我造的枱吧，細個果陣好多家俬都係佢做，包括床同櫃，搬左三次屋，頭兩次佢都會整，每次整果陣都係屋企，攪到木碎淋漓…因為想屋企d家俬係實木，所以佢都會整，加上工具很多，那時的時間也比較充裕，所以屋企以前的風格，主宰係佢雙手…今次搬屋，就變左係我手…除左個廚房。不過唯獨我想整的枱，家俬舖話唔造，就變左阿爸提議佢自己造，用左一個月時間，將鋁通接合埋一齊，因為鋁唔可以燒焊，所以用左較長時間；買埋茶色玻璃…到我手果陣，我再噴層油，上埋光油…再係d茶色玻璃貼黑紙…結果就成了這個樣子…

差個櫃桶就咩都掂晒，可以開埋最後的兩個箱…

BTW…見過狗單眼未呢？今朝影樓下隻狗，佢俾主人綁住左等散步，影佢果陣識望鏡頭之餘，仲單眼添…哈，咁樣俾我影覺得好無奈吧…

閒事

要去台南旅遊，放工就趕去旅行社，順路買藥膏俾我Mom，一路由大角咀行出去，見到藥房就問，第一間唔知呢枝係咩黎，第二間叫我用第二枝，越行近旺角，D人睇個盒的時間就越快，講名都知唔駛睇盒，最後行到去恆生果邊先有一間，但係佢想問我拎醫生紙，佢未講完…見到我隻手，就問我︰「係咪你用呀，咁無野喇…」哈…感覺還真是攪笑=_,=，間藥房有條運輸帶送盒藥膏出黎，好似卡通片咁…

係等車返屋企果陣，見到有無蓋的巴士經過…觀光用的巴士遊旺角，眼見車頂上的人個個戴住口罩！好似成車病人咁…最衰無相機係手，如果唔係一定影底佢…空氣真差。

噬魂師

噬魂師終於都動畫化，雖然無追一段時間，不過睇到動畫就覺得好正，有多套動畫可以消閒…

D60

上星期買了相機，其實係去歐洲前都已經諗住買，不過我老豆買左，果陣又無咁多錢。本來無諗住買單鏡，不過最後都買左，的確屋企仲有部可以7倍光學變焦的傻瓜機，結果就買左部D60，平平地，暫時又無諗住玩咁多鏡。拎上手比起想像中細部，雖然眼見Forum D人又話部機無手感，又唔夠玩，只係D40x的加少少板本，不過對於無DSLR的我，無乜所謂吧，至少屋企部菲林單鏡，已經係十年前的玩物，用呢部黎練下都ok啦。試機果陣用A Mode黎影左呢D野…

SMS

今日整日收到6個SMS，這些年黎最憎收到的SMS，何必又出現呢，要人可憐嗎？濫用親情、同情心嗎？受左咁多教訓，又再犯事。明知唔應該當呢D SMS 係一回事，卻做左一樣少少愚蠢的事，先跟我阿爸說，然後再跟我阿媽說，或者總覺得應該俾佢地知…開始都無乜野，講完當知左就算，即使阿媽再三不斷咁鵝我阿爸唔好做咩野，好地地到夜晚阿爸的電話開始響，最後忍唔住話去幫佢，然後火又黎，按奈不住，連我都燒埋…