上星期六去了看魔間傳奇，很久沒有去看戲，又再跟你看Will Smith的戲，只不過不再是溫情戲，戲入面好多位都幾驚…變種人一開始好似House of The Dead d卒咁，唔係驚佢地個樣，有好多位真係嚇到……其實係俾隔黎D人嚇親。不過好好睇，無悶場咁，只係估唔到個結局係咁Ge，還真是傳奇…收到自製的生日咭，雖然我講笑話加埋Merry Christmas，不過好多謝你︰)。
星期日本來約好左去Jason到玩，真係好對唔住呢…放了飛機，起身果陣只係有半放的心態…因為好攰呢…當Donald打黎話唔去果陣，已經係唔想黎…令大家無Wii玩咁，真係Sorry…下次再約吧…
之後的平安夜同聖誕節都無出到去…平安夜係屋企Pack野，再搬野，聖誕節跟裝修師博行街，哈哈，然後繼續Pack野，發現有好多係我搬入屯門果陣入左箱的野，其實都無拆過出黎…七年黎佢地都係個箱入面，最後扔左一D，其餘的，可能到搬去新屋果陣，繼續係箱度。還真是唔係咁想搬呢，又要再次搬去無7．11或者OK的地方…
記得做Student果年，屋企有事，Annual Din未食野就走左，今年Annual Din，係地鐵站就收到Call，不過今年無早走返去，行到去會展左近，接另一個Call，又無乜事。有時候，真係唔知好唔好返去睇，唔返去睇，又唔知會做咩傻事…今日電話來過不停，去到下晝食飯的時候，已經Battery Low…好在公司的野唔係太趕，有一陣子連Runqry 都唔記得自己想搵乜…成日都唔記得左自己想做乜咁。訓覺果陣，一合埋眼個腦又不停咁諗野…
最近比較燥，可能病好番D之後的一個星期，頭都Keep住暈暈地，返到公司做野又慢左。返到屋企聽我Mom講野都發發脾氣…只有係砌模型之後先可以放鬆心情，變到自閉咁…另加番D模型相係前一個Post。
上星期日返左公司幫手，諗緊好唔好將果日Com Leave 係今年放，不過今年都就完，帶埋過下年可能仲好，好想放假！下年一月拎一日當Buffer，順手應該可以貼住個星期六日，當搬屋幫手都好。
今日同同事一齊去左食Buffet，唔敢食生野住，不過食左少少生的八爪魚，應該無事掛，不過成個Buffet都唔係太多野食，係好鬼多蝦，食完之後就再過左新港打陣機，阿May玩拍拍機簡直係變態=_,=…搭埋車返到屋企都十二點幾，但係我地十點半就走，點解……遲D搬埋可能仲耐添。
星期日與大學朋友一齊慶祝生日，多謝大家抽空陪我打保齡，估唔到會打得咁貴，一路打一路打唔覺唔覺去左六七局，打到手指都痛埋，多得平時的練習，變左勁果堆咁，不過真係好開心。打完保齡之後就再過新之城唱K，都有兩個月無唱過，不過唱一陣就喉沙，另外如果有新歌唱就更好喇~就這樣過了一個星期日…多謝！
然後星期一o既下晝，繼續保齡…
星期二生日，無假放，而且「放」的話都係得一個人，有半個生日係公司過左，Lunch去左Element食千兩，生平第一塊生牛肉，感覺好似熟熟地咁…其實係咪熟架…？Anyway多謝咁多位的一餐飯。
然後做野做到六點，保齡Again…打比賽喇，亦係生平第一個Bowling Competition，眼見隔黎條Lane的人唔係全中就係補中，真係好大壓力，加上Dept Head黎睇第一Round…好在一開始都有個全中，然後就直線下滑，最尾加多幾個補中，結果我係Team入面最高分果個︰) 完左比賽之後就同同事一齊打邊爐，跟住就返屋企喇。
中學之後就無再砌模型喇，今日行過模型舖，其實不時都行過…買左部MG 08小隊版本的The Ball返黎砌，貪佢上面唔係淨係得一枝炮，又可以換。今次破費咁買埋油，希望砌完出黎的效果會OK 啦…
結果花費左一個下晝…加一個夜晚只係完成左一半左右，因為大部份時間都等D油乾，不過今次無補筆地，只係噴左油遮住D水口位，無砌咁耐，D水口位Cut得好核突，又唔想用時間去磨，只好噴厚D油…今次連個Pilot都有油埋，仲差對手同枝炮就完成喇~
有好幾日沒有寫過Blog，前陣子比較忙，Prep搬屋D野，諗裝修，出去睇料，又經常返科大影畢業相。今個星期倒在公司沒有甚麼事幹，行完Batch，老闆唔係到，得閒之餘，感覺自己無野可以幫到手，或者出面風頭火勢，只係未燒到埋黎，因為UAT就開，但係另一邊D人做左咩都唔多清楚，之前有Query，答左，但係無Reply過，唔知佢地仲想改D乜。Anyway今日上左個「職安健大使」Training，好悶，係Training到我重新認識咩係CPU，原來CPU指部電腦主機…令我諗起係公司做Student果陣，AD Migrate果時，有個Vendor講話有Dept的人話部主機係CPU，RAM係條Cable…原來可能係Training教 = =。
Lunch過左灣仔拎返部相機，影相果陣無左之前的Dirt，但係個鏡頭入面仲多左3 pat 細漬，不過影果陣又好似無影響咁，終於都可以用番部大眼仔黎影畢業相…
係到順手Post兩張係星期日影的相先…
今日返左科大影相，避免多人，十點幾就渣車入到去，見到火雞空空如也，可以安心影相，唯太陽太猛，企係火雞睜不開眼，諗起初初影莊相果陣…又係咁。大哥好似唔係好願意黎影，叫左幾次最後都黎左，前事暫止不題，總算可以影到幾張全家幅…不知多少個年頭沒有出現呢個Term…
唔小心跌左部R6落地，多得Sharon借部機用，可以唔駛用部Cyber Shot黎影。太早入去，唔多見到識得的，淨係見到Kilroy同Strike。Anyway，今日唔係影左好多，影左60幾張…始終叫左阿婆黎唔可以企咁耐…結果係連單人照都唔係影得好多…放張無戴帽的係到先…
突然間咁就賣左，雖說是父親親口應承，但卻是在母親的壓力下低頭，不過未俾大訂，仲有取消的餘地。賣左，擔憂可能係會少左Ge，不過問題仍然係到…而且跟手有好多迫切的問題。食完飯返到屋企，一邊就叫我勸另一邊買邊到，一邊就係到申。一邊聽到另一邊申，又話起上黎…大家總有各自的故仔，信邊邊呢？我講的野只會引至無休止的爭吵，講講下連我都鬧埋，好似我不分對錯咁…成日話有好多方法可以解決，但又無講過有咩方法…叫大家平心靜氣咁傾，一邊講一邊就唔應，細路仔咁…
重陽節假期，琴日一行人本來諗進去大埔踩單車再BBQ，三點幾入到大埔，結果周圍的單車都俾人租晒，問左好幾間都無車，之後就變左淨BBQ。搭車入到大尾督燒烤王，一樣咁多人，連野食都唔夠，等左好耐先可以開始燒…不過等果陣都仲有副牌玩下，又可以玩下煙花…
係夜晚影相，都仲係影得好差，成日都矇左，都要認真學下點Set…點影…
燒下燒下，食埋糖水，返到屋企十二點幾，唔駛太夜訓。仲諗住今朝可以訓晏D，晨早就俾人嘈醒…再訓多陣，就打Tennis，今日成績幾好，打走兩個波，兩個都執得番…不過都係可惜無靚拍玩下…
忙忙忙…悠閒的日子離我太遠，公司有不完的工作，家裡有無休止的家事。感覺到力有不逮，做野又做得好慢好慢好慢…一時間又要Fix Defect，真係好多野唔記得Trace得好慢…返到屋企問題又多，根本就無法處理。早前的事情已經解決，但結果不見得好，這樣的結果只助長他的氣焰，反過來受傷害的又是家人，回來的時候仍伸手要錢，不知悔改。
因這樣衍生的問題，又開始擴大，不知何時兩邊說話的差距再次變遠…彼此再不信任，任何說話也聽不入耳，各有各極端的看法，也許怎說也是多餘的。心情唔多好，做野真係特別燥…雖然要Handle的野對比其他人唔多，唔煩，但係今朝開Notes果陣，真係有D想扔野…做做下又有問題，又成日做錯野…唉…仲記得上莊果陣，話過自己最能夠承受壓力，其實根本就唔係…好彩有三日假…可以抖抖。
This Saturday I went to Sai Kung. Woke up at seven such that I can arrive at there before 9:00. Keep leaving late for 3 days this week, feeling quite tired but still needed to wake up on Saturday Morning and even needed to drive. Just a bit later than the time I expected, finally we arrived. You would never visit such place for your life, and this is my first time. Within the fifteen minutes talk, I just saw him crying. Feeling is complicated at that moment. Left there at ten, driving back to Tuen Mun.
Though tired, I had a hair cut. Seems the hairstylist is so free, and kept talking about his wife and his girl friends in his life. After that he asked me about the computer problems =.=. When walking back home, I saw the traffic accident, a lorry flipped over on the road. And I knew that the driver was dead after I watched the news at home. Luckily I couldn't see the bloody scene as quite far away, but it was so poor as the driver is as young as me. After dinner, I needed to help replacing the oily range hood. That's my Saturday.
This year I got two news read from the newspaper I can never forget it for my whole life. First news is talking about my mom, and the second news I read it today. Well such news appeared in the newspaper very often, but when it is talking about someone who lived with you during the time you grow up. You really got a mess in your mind... Everytime I try to relax, everytime things happen again...
自中秋節係Jason屋企玩Wii訓一晚後就病病地，三點幾訓，不過訓到七點佢個鬧鐘就響，醒左就同胡子搭車走，返到屋企差唔多九點，好在有日紅假可以Buffer下，不過係Jason屋企訓真係好凍，之後都病病地…返工成日唔記得自己想做乜野=.=，又Send錯野俾人，CC晒俾D老細…不過算喇，還好仲有三日假可以抖下…
星期五打羽毛球，打一個鐘，得我、Sharon同Tenson三個人打，其實好攰，可能仲Keep 住病病地，無停過咁打，打左半個鐘都唔想再追波，As膝蓋果個位有D酸軟，返番屋企訓果陣都仲Keep住酸軟的感覺，真係唔可以成日玩到咁夜，第二朝仲要打網球，好在…胡子要Support，變左我自己練開波，同佢打左都唔知有冇十五分鐘，跟手同2Ming食埋飯，接左個電話就返番屋企…
屋企呢幾日氣氛已經唔係咁好，加埋呢個電話，更差…
今朝又再打Tennis，如無意外下星期又係咁，希望可以Keep住Weekend打，打得好D，Anyway今日都打得好左，至少猜到波，雖然D波好慢，不過最可惜塊貴拍始終仲未到手，又唔係佢主人到，又唔係拎左去用=.=。雖然覺得打得好左，但係今日飛左八個波出去，睇黎要投資下買多D波，等自己錫住D波去打，As而家用緊果D，都仲係係UST執番黎果D…
今朝返工，個袋俾地鐵道門夾住左，上車果陣都唔知…到落車果陣要由呢邊去另一邊道門出果陣，先知佢夾住左，好在蚊到佢出黎，蚊得黎D人上晒車，好彩D人都俾我出，差D又夾住左=.=。
用左一朝去聽Induction Session，對IT Dept的人黎講，好多野都唔駛聽，因為又唔係做分行，又唔駛見客，一開始個Mingling Session，坐係我隔黎果D，雖然有D都係Fresh Grad，但係做Securities，講左無耐，大家唔識大家的野，無野講，社交能力真係差，之後見到個企左係到的人，行埋去介紹自己，佢第一句話我係做Investment的，然後講講下知都係做IT，就話其實係Investment入面做IT Ge=.=…然後就繼續聽Talk，一連氣幾個講者係到講，講到Overrun都要繼續講，講Insurance果個仲要Emphaize個Pet Insurance，成個Insurance講得最耐係個Pet Insurance，唔明個Manager諗乜…然後一點先食飯，然後繼續做野。
今日天氣唔太好，周圍都係煙霞，望遠D乜都見唔到，不過同一班同事去踩單車，先由大圍踩入大埔，再踩番轉頭，不過去到海濱果陣，見到件幾驚嚇的事，Sharon擦傷手指，本來諗住入去醫療站到整整，拎膠布，不過咁啱有個人甩左手指，踩入去空地果陣，沿途已經見到有個人不停咁望地下係草邊搵野，初初都唔知佢搵乜，後黎先知係醫療站有人斷指…As見到佢搵番之後放入袋，真係好恐怖…踩單車跌親都整斷手指，以後踩單車真係小心D，尤其係坑渠…
然後大家去左大埔墟食豆腐花，再踩多陣就返番大圍，不過天氣真係好差，停係到休息的時候連風都無，踩得無咁舒服。And最衰咁多人放飛機，可惜燒唔到野食，不過咁的天氣，不燒也罷…
整個星期大部份時間也在閒置，每個人都話襯仲得閒就好好Enjoy下，不過也不是沒有事幹，只係好多野都做唔到，要等…只好Self Study一下…所以呢排都好準時走。
琴日朝早起身之後，就同Wuzi、2Ming、Jason係Club House 打Tennis，住係到七年都未去過個網球場，唔識上去，結果俾個Counter的姐姐笑，之後打到十一點幾，一齊食完飯之後就再打枱波，打到到兩點左右就走先，返屋企開始下場…
本來好似好多人黎的Wii Gathering，結果一開始得番3個Student，我、阿Wing同阿Kwan一齊打枱波，Fish隔左一陣先加入，最想打的Sharon不幸要遲黎，打左一個鐘，再上屋企打Wii打半個鐘左右，Fish就要走，又淨番3個Student，所以就一齊出去接阿May黎，未渣過出CU，不過都知道條路點行，係唔知係邊入去係邊等，好在阿Wing係到。之後渣返番屋企都差唔多七點，啱啱好Sharon到左屯門，終於都齊人真係上黎打機…先玩Mario Kart，但係大家好似鍾情於NDS果隻多D lor…然後玩Sports，再玩Mario Party，最後玩賤兔，阿Kwan玩賤兔真係變態，雖然唔夠我細佬變態…但係差唔多次次都Win，一路玩到十二點，就車番佢地返屋企…到我返到屋企都兩點…不過一班人一齊玩Wii真係好玩好多！而且個Mii的世界終於都平衡左D…
還當冷氣整好之後，呢幾日屋企果邊都比較大風，可以唔駛開冷氣，不過兩個星期無冷氣的日子總算過了，亦習慣了…覺得返到Office好凍=.=。這幾天Office的生活比較平淡，除左星期一一齊打Bowling創下161分的佳績，也沒有驚喜的事，再打果陣希望會Keep住啦！
「入」Team了，唔覺有咩分別，一樣要做平時做果D，係多左樣野跟，仲要收到份400的Training Document，要邊做邊Self Study，唔知幾時真係要惦400 D Program，不過都要Keep住問人。今個星期多了個新同事坐係前面，聽說以前做了幾年，是救火隊的，不知何事回歸，不竟我覺得佢講野幾大聲。
BTW，今日終於都去買番張西鐵月票，唔再搭巴士去荃灣，不過搭西鐵要轉多程輕鐵，朝早同d就遲到的學生迫，平係平左，不過有時出街出得多，都唔會點搭，Anyway總算返工唔駛企，可以睇下報紙，又唔怕塞車，唔怕壞車。
有一星期沒有寫過Blog，應該慢慢會變週記，不過都係因為夜晚成日出左去食飯，夜左返屋企，不過呢個星期還真是充實，bowling之後badminton，今日唱埋K Lunch，揮霍一週，還好今天出糧，救濟一下。
整個星期家裏都沒有冷氣，頭兩日根本訓唔到，一來之前打機打得太夜，唔慣早訓，二來果兩日都落雨，成日俾雨打醒…不過都仲要等多一個星期先安番晒D冷氣，希望下星期唔好太熱，就好啦。
工作一週，星期五係最開心的時間，出去玩之餘，至少未報D咩野讀，仲可以星期六訓晏D，同阿聰慶慶生日，一班人食完飯之後，就幾個入左屯門係胡子到打Wii，食完飯返到去都十一點，執埋屋企部Wii過胡子到，就十二點打到今朝五點，自離開Hall之後，好耐都未試過一班人一齊打機打通宵，還真是覺得有點痴線，不過玩得最耐都係GC隻Mario Kart，四個人狂玩真係好Happy！玩Wii玩到手軟之後，玩佢仲可以俾隻手抖下…不過去到五點真係好眼訓，訓左一個鐘就搭輕鐵返番屋企…時間又再一次日夜癲倒…
今日返番闊別一年的工作地方，是仕途的新開始，回到之前工作的部門，感到桃花依舊…不過又不是人面全非o既…只係好多空位，熟識的朋友們都上一層了。雖然轉了個近D的地方返工，不過起身的時間差唔多，搭車的路線一樣，只係早左落車，希望唔會有一日我未訓醒咁搭左去香港站。Anyway第一日返上去，介紹也唔駛，就坐係位到，乜Acc都未開，只好睇Doc，唔記得左Proxy係乜，開IE乜都去唔到，不停咁睇，時間就咁過，睇晒份Doc咁滯。本來諗住會有呢一層的人叫我一齊食飯，結果十二點放Lunch D人走晒，應該無人會當我係新同事，哈…當我好似以前咁帶飯吧…
多謝阿May的邀請，Lunch Time 同大家一齊打Bowling，好耐未打過，對上一次係大半年前，又無做運動好耐，好低分，不過一班人Lunch咁一齊玩幾開心。然後，又再次繼續坐係到睇Doc，同阿亮吹左陣，換埋己部機D Keyboard Mouse，每次用新機個Keyboard 同Mouse總是最舊的，然後坐坐下食Tea，多謝Stanley請食Tea welcome我，之後咁就過左第一日，Anyway看來準時走的日子將會遠去了…
今日正式咁離開左公司，不過撞正掛八號風球，最後果半日都過唔到就走左，結果連買西餅的時間也沒有，最後就只有留了個Email離開公司，稍稍的來，稍稍的走，不過走的時候也有同事祝我好運，希望將來的日子會順利啦…
因為打風，回家的路上濟得水洩不通，諗都無諗就搭左地鐵去中還轉車，多人得排到出扶手電梯，失策，等左好耐先上到車，去到荃灣，又要等巴士，巴士未滿，連空位都仲有，排前面的人都唔肯上車，D人點解會咁架，差D走左架有位的巴士，好在跑得快…最後一日咁就過左，緊接住的就係星期一的近開始…
今日終於都買Wii了，價錢在預算之內，本來諗住第一個月出糧就買，不過剛去完旅行，仲有出半個月糧，扣扣埋埋都唔係淨好多，最後都係等多一個月，好在機價唔貴，貴的反而係一Set手制，第一隻Game就玩SD Gundam流星鎚果隻，真係好正，玩到手到攰晒，不過係玩的同時發現…我一開部Wii，我就上唔到網，因為我用緊和記Wireless，個Wireless的receiver放左係Wii附近，一個用Wireless一個用藍芽，估唔到咁都會撞囉=.=，結果要放個Wireless Receiver入房，不過放左入去，好似收得好左，條線快左，玩Wii又影響唔到，真係非常好。不過以後我就會更易經常被Penetrate power強的Wireless穿過…
今天正式遞交了辭職信，正式向公司提出請辭，下星期正式離開公司。已經考慮了很久，昨日與PM相討的時候，亦相討了很多，相討的論點也在於公司多野學，的確係我之前諗左好耐的問題，說到有甚麼事可以跟他說，的確我沒有跟他討論過工作上的事，再三叫我考慮一下，考慮考慮又考慮…最後還是決定離開，第一份正式工作，第一次請辭，雖然只留了短短個幾月的時間，但剛剛才感到與同事混熟，就要離開了，雖然大家也叫我唔好咁諗…不過感覺不太好嘛…
兩邊的路應該是不同的，一邊學的係多方面的Technique，甚至於與客人「講數」的技考，雖然可能咁啱…只有我這個項目可以跟客人相討Requirement，而另一邊，曾經呆過一年，見的野是而家間公司唔能夠見到的，至少不會見到電郵由午夜寄出，而家公司返工可以遲一小時，放工可以很早，落Site返工自己Keep Track咁，是「好處」令我覺得唔應該離開，還是真係多野學？
離開，或者係我變得膚淺，向錢看了，請辭時PM還問那邊待遇很好嗎？ER…不知怎樣回答，因為他沒有離開過公司。也許是將要離開，PM那邊沒有多話要跟我說，還有一星期待在這裏，相信其他SA或者PM也知道我要離開，至少問我Server野時還加了句︰「你走果陣…」第一次請辭，還是太在意吧，或者我開始亂諗野…=.=
今日係屯門睇左變形金剛，雖然話志在睇3D，不過中間無悶場，而且好多Gag位，只係覺得打鬥場面好快過，打得唔多，有時打得太快，睇唔到佢咩動作。動畫留俾人的感覺太深，睇果陣覺得佢地變形果陣好慢，而且動作有D笨重，跑步果陣又好慢，或者係形造真實感，不過主角成日可以同佢地平排跑。總括黎講都幾好睇，打鬥場面有幾個Shot都打得好真，最好睇都係睇空戰，好有超時空要塞Feel，不過如果柯柏文可以唔除面罩講野就更好，見到佢地個口郁唔係咁好睇。
今天還真是沒有太多時間，上午與PM一齊同Client Phone Conference左一個鐘，Requirement大執，又要Test番D Program，食飯果陣約左口水係鰂魚涌食飯，搭到去果邊用三個字，又要準時返番去，食左半個鐘就返過去，之後做左無耐野，就落Client到改番D琴日Call 唔到的Program，幸好改到，改到四點左右就要Dem俾佢睇，係呢個時候佢地襯無PM，又想我試野，多口講左樣野可以做，之後佢又想做到其他野，話做唔到，佢問我有冇Suggestion，我都係第一次用個System，真係唔知點答佢，最後又要再試D野，對住兩個Client，又唔可以應承佢一定得，唯有成日話試下先…之後四點九左右，佢地再去睇Production，俾佢地發現左有樣野要Set但上手又無Set，真係唔知俾咩反應佢，但又要幫佢Check野，仲要趕份Spec，佢地又以為份Spec係我PM寫，但係其實係我寫，又唔可以出聲=.=。Anyway都可以係Client到五點走，趕得切。
BTW，昨日收到個幾得意的匙扣…
很想很想找個方向，感覺到自己墮後，工作上沒進展，經常不知道下一步應做些甚麼，不知道每行一步的結果，亦不知道有甚麼突發的事情又要發生，至少也希望有個指引。就只是看了一份Doc，就變成專業，今天Client的Production突然死了，係我入完License行個Testing Server，個Production就停左，被懷疑，雖然好正常…還真是有點怒，亦無奈，因為明明是兩個Server，之後又問我解決辦法，因為我是專業人士，只知唔可以攪佢Production的野，打番去問，只知道Confirm左係唔關我事就Ok了，至於Solution，只好跟住Error Description俾Suggestion佢，佢惦點都好過我惦，攪惦左就好似無事咁，雖然大慨知發生咩事，但不太肯定叫他這樣做是否安全，再打番去問，知道攪惦，就好像不太理會，盡管公司那邊也不知發生甚麼事，究竟，都唔知咁做有冇錯…也許工作便是如此。
對上次四月份的小同聚後，三個月後的今日再次與小學同學一聚，一出現就俾人話瘦左，呢個月唔知第幾次俾人話瘦左喇，明明食多左野，不過應該係因為我食飯唔定時。Anyway，今次打破向來小同聚的慣例，去左大尾篤BBQ，可惜天氣非常炎熱…對住個火爐燒一陣出晒汗，今次又來了一位十年不見的小學同學，是小學時的好朋友呢，記得還經常講高達，亦是畫漫畫好勁的小學同學，雖然見到果陣佢唔認得我，不過記得第一次中五大家約番出黎果陣都係咁，可惜今次只有八人赴會，放飛機的人也特別多。好，整理一下大家的MSN同電話之後，連埋D相就會Send番俾大家。
家中最後一隻白色係Hall出世的倉鼠係今日終於結束左佢的生命，見唔到佢最後一面，不過聽我細佬講佢死果陣雙腳抽搐，仲要死唔眼閉…養左咁耐倉鼠都未見過咁，可能係因為我「累」死左佢。不竟佢已經兩歲半，生命進入左最後的階段，又有個幾月唔肯食瓜子，行路果陣後腿好似緊左唔識郁咁。琴日佢個身好臭，雖然好細隻，但係行近d個籠都「紋」到好臭，於是用水幫佢沖沖，再用風筒吹吹，之後今日就死左，話說未幫佢沖涼之前，伸隻手入去果陣佢無啦啦咬到我好痛，之後上左個佢好耐無上的圈圈跑左兩三個圈，唔知係咪知自己就死先會咁呢…唉，不竟佢係一隻陪左我兩年寒窗的倉鼠。
今日又出去啦，其實都無咩好講，又係Set野，不過今次終於有部機用下，唔駛個Client係隔黎睇住，可惜最後都係Set唔到，Set左三個鐘，做Backup用左一段時間，Send個program去Server用左一段時間，安個System又用左一段時間，結果安第一次出左個Error，拎唔到License Code，於是由頭再做，剷晒D野，又裝過…結果又係同一個Error=.=。打番去Boss無人聽，結果就要同個Client講要返去Check Check，咁又Delay一日。
如果要我改Program的話都可能無咁驚，每次去到Client到都要用佢Production，雖然公司大，但係Testing用的database 同Production用的database 都係同一個SQL Server，Detach個舊Database都一額汗，安個System果陣又無Menu，打番公司又無人聽，有時真係覺得幾無助。
今日屯門公路塞車，七點幾上車，九點先到荃灣，平時係巴士坐四個字，地鐵企一個鐘，今次坐個幾鐘，真係補番晒，不過就塞車塞左個幾鐘。汀九有警察折車已經奇怪，差唔多所有車都係汀九改道，得番巴士繼續向荃灣方向行駛，結果行左無耐就見到慢線同中線淨係塞住D巴士，間唔中郁下。返到公司九點十，都仲未齊人=.=，塞左車都好似對我無乜影響，反正九點三先開始有人返到，唔到十點唔齊人，只係自己少左時間做野。
不過今日又發現自己做錯野，之前寫果份Spec有兩樣野o岩o岩先發現做唔到，理論上如果佢係Asp或者Jsp的話一定無問題，不過佢係Pearl Gen出黎的CGI，加上係我之前無睇清楚份Doc，太大意啦，做野經常都唔小心…聽日又要落去Set場，希望一切順利就好喇。
好耐無試過一班Friend咁出黎飲野傾計，難得星期六唔駛返工，食完飯之後就一齊去左旺角飲酒，一飲就飲到兩點幾，再食個魚蛋河就返家。都有一段日子無咁夜返屋企，返去果陣搭小巴仲要落早一個站，係條無人的街到行一段路先返到，返到屋企都晨早四點幾。雖然係四點幾，但都唔係好眼訓，唔知係咪去左旅行之後，過左最眼訓果段時間都可以Keep住精神，不過都係早D瞓…
今日又去見番同一個Client，係搭車的路上，PM叫我係Demo prototype果陣講解，雖然無預備過，不過俾Client的Material係我整的，無問題下就諗下點講，一直去到人地個Office，早左幾分鐘上去，因為人地放Lunch未返，又有多少少時間預備，今次見到人地公司比較高職位的人，當人地俾卡片我，我又無卡片的時候，只好笑笑口算。Demo用左半個鐘左右，邊講佢地就邊問，本來無預過講的野，因為Client問的關係都講埋，對埋D Requirement三點半到就返番北角，路上我PM俾左D present 的意見，我的口吻太由客果邊出發，對自己不利，人地問我點Set我又直接答佢，變相令到人地覺得個System好易，不過第一次係人地的Conference Room Formal 咁Dem 野，係一個幾好的經驗…
今日第一次自己落Site Set野，約下晝四點，但求早點Set完早點走，雖然上過一次，但今次見果個人又唔同左，結果上到去果個人傾緊電話，企左一陣，之後佢話要搵電腦，坐左一陣，咁就無左半個鐘，後尾佢話無電腦，要用佢部機，然後佢又話其實係Mail入面講的Test Environment都無，要係Production個System改野，想我教佢整個Test Environment，教左佢…我應該唔駛做=.=，最後無改到佢Production的program，Set左個唔影響到其他野的Project就算。Anyway霸左佢部機黎做野，做得慢又唔好，佢又企係隔黎睇…好唔自在，望下周圍，全部都係400 Screen，好耐無見…
工作令人覺得好沉悶，指示很模糊，很多時不知自己下一步做D乜，做得o岩唔o岩又唔知，PM很忙，俾野佢睇又無Reply，上次Draft左份URS又唔知咁寫得唔得，Program也改得很爛，影響Performance但佢又覺得無問題，還真的想找個人幫我QA下…睇怕遲下我寫Program應該會差左=.=。
今日為慶祝CoffeE生日，去左又一城踩冰，上年先第一次玩，事隔一年，又係差唔多時間踩多次，唔記得晒點踩Loo，踩左一陣先開始平衡得好D，蹓得快D，係入場之前有春田花花的公仔人蹓冰，表演花式，著住公仔衫仲可以咁輕盈，真係厲害…
蹓左兩個鐘之後，就去左隔黎間Exp食，今年跌多左，中途仲差D車過人=.=，真係危險。食完去左葵芳打機，玩左部要輪玩渣刀劈的Game，劈到個個都無晒力，打到十一點就走。返到屋企一沖涼先發覺，原來蹓冰果陣隻腳損晒…
今日係零七年七月七號，除左七七事變，應該無乜大事發生過，還記得上年係零六年六月六日去影身份證相，身份證上永遠印住果日的日子，代表魔鬼的日子…除非我唔見左。
這兩天工作很悶，要係Perl改的野都差唔多改晒，要暫時放慢腳步，開始寫Requirement Spec，有同事行過見到我整緊份Spec，讚我，雖然係讚我，我諗緊做Spec都讚？心裡面有好幾個問號，手頭上的資料唔多，寫Project Objective都唔知點寫，而家都只係聽PM講Cap左D要做俾佢的Screen放係入面做Function Requirement，心裡的問號又出現，既然係要簽呢份Requirement，然後跟呢份黎做，我Cap果D Screen又係做好的System Screen Cap，咁咪即係話俾佢聽我做完？唔知份Requirement為乜，不過俾得我做，應該唔多重要吧…不過最重要的係個Word用緊2000，我用緊的Mouse無Scroll，Keyboard亦是壞壞地的，Set Caption, Index, Heading 果陣唔太方便，由於Ram又有D問題，Screen Cap太多果陣一Hand機，個Word自己閂左，我開番變左Read Only，留低左個永遠Delete唔到的File係Desktop，因為我Acc無Admin Right =.=。
星期六工作半日，還好仲有半日可以出去行下，買了禮物，交差了，Thanks Donald陪我出黎幫眼。回到屯門，同胡子食完飯，就返屋企。呢排都夜左返屋企，睇黎要Adjust下個放工時間，襯我仲得閒的時候…
今朝搭地鐵果陣撞到HSBC果陣個Boss，我係佢後面，隔住左個人，結果我無同佢say到hi佢就落左車，不過我每日應該係同佢搭同一班地鐵返工…
返到公司，琴日走果陣閂左部機，今朝Boot左幾次先入到Windows，每次Boot機佢唔係自己入左Bios，就係Detect唔到Secondary Slave，明明Secondary Master都無野，但總係Load到果個位就停左，又唔係咁想拆開部機睇，雖然個機箱向來都係甩ge…不過Boot多幾次就入到Windows，明明有1Gb RAM，但唔閂部機用兩日就Hand晒，局住兩三日就Boot幾次=.=，早返到公司就做呢樣野。
呢兩日公司黎左兩部Sun的Solaris，要試晒兩部機，一開就好似開車咁，本身我坐緊個位隔黎有部已經好嘈，而家仲嘈，結果D同事用紙皮箱"COME"住部機…
琴日又訓唔著，明明唔夠訓，係張床到總係訓唔到。今日返工上晝坐著就想睡，尤其係PM唔係到，下晝又請左半日假出去，開始唔知公司的同事會點諗我，哈哈…而結果都係沒有半點成果，面對數學…總是束手無策，是籍口嗎，或者唔夠訓都會係一個籍口。
雖然唔係第一次出糧，不過點都係畢業後第一份工的第一份糧，高興一下。今日亦係第一次跟PM出去見客，由頭到尾都係PM同個客係到對Requirement，間唔中只有一兩句插咀，唔係好敢出聲因為驚講錯野，Client果邊經常都講得勁快…好難跟，PM果邊就好有技巧咁降低Client的要求，見完個Client，就收工Loo ︰)。搭車其間得知PM係公司做左好多年，不過睇佢個樣完全唔似做左咁耐，唔知幾年後我會去左邊。做Workflow的Project，可以睇到人地公司的架構同埋運作，不過都係咁o岩個Project係咁的要求。
兩個星期，仍然對公司的感覺很新，同同事始終無乜兩句，除左後生D果D，同埋比我新的新同事之外，總覺得好難開口跟上佢地的話題，食飯的時候倍感壓力，一坐錯呢…… ︰D 另外就係食飯好貴，佢地去親果D都貴ge，今日同PM講話想帶飯，佢話佢以前都帶，但係慢慢成日要去Client到，個飯會成日Waste左，都係ge…不過我最快都係下個月中先落Site Config，間唔中都可以帶下飯食。
諗番Intern，其實真係好開心，即使間唔中會做到夜一夜，間唔中會忙下，不過有一班好好的同事，間唔中一齊係Pantry"Jump"下水，又可以係Notes吹下水，雖然而家張台大左，又有板圍住自己，不過Working hour無人出聲，覺得有D疏離，而且我太高，塊板又唔夠高……
昨日請了一日假，要係Probation請假，仲要係塊board到show出黎俾全公司人知我請左假，真係唔係咁好，不過無辦法啦…唔請又唔得。請左一日假之後就要追番D時間黎跟個Project，呢兩日係公司改緊一個好大…用PerlScript寫的program，未改過咁大的PearlScript Program，subroutine分得唔OO，Menu又只能提供有限度的支援，改左成日想show少少野都show唔到，仲要聽日就要做起個Prototype，用緊部機又慢，不過改下改下時間過得好快，希望聽日可以做得晒啦…
終於都等到Weekend啦！呢個星期的工作終於都完左啦…慢慢適應左係公司做野的氣氛，而家做落無乜問題，不過暫時都只係噤噤制寫少少script，同我初初諗的有頗多的分別。返工遠，返到屋企好攰，慢慢開始覺得…放左工之後都唔會有好多時間做其他野。
呢兩日的感覺一直是這樣，放假的感覺未完，返黎之後仲有好多野要執，唔夠訓，返新工。面對新的工作，同Intern的感覺好唔同，再不是以Student的身份工作，做錯野學野學得慢就唔係咁好，工作環境入面又沒有一D差唔多年紀的同事，整日也沒有說過話的感覺實在唔係好。不過諗諗下第一日做Intern都係咁，只係一開始的時候有另外的Intern可以傾計，面對新工作新環境只有一日就在抱怨，真差勁…希望只係唔夠訓，發發脾氣…
由於時差的關係，昨晚一直都睡不著，點幾訓係張床到，典到六點先訓，訓一陣就起身返工，第一日返工就勁無精神。去北角用左個半鐘，沿途都無機會訓，早左三個字到公司門口，未到九點一個人都無…等左一陣就入左去。公司大唔大唔緊要，坐係我身邊的人今日唔係SL就係AL，坐左成日都無講過野。到食飯果陣PM請食飯，雖然話係歡迎我食，不過我都無乜機會講野，一直就只有幾個人傾計，其他人都無乜出聲，又無人問我野，我真係唔係好識同o岩o岩識的人溝通，一食完大家就散得好快，講多謝的機會都無。返到Office繼續呆坐，無訓過睇spec睇到釣魚，第一日返工就咁過左…
現在的工作，就是Config佢Develop左的Software，說實話是很難做，因為要Config的野太多，有D野又唔係好明，不過不竟是第一日，還是看看之後的路如何，始終都想試下…手頭上仍有Interview的電話打黎，現在等待的或者係機會…
終於都結束左十二日的旅行喇…真係唔係咁捨得，十二日入面去左英國、荷蘭、德國、比利時，去左好多古舊的街道，好悠閒，咩都唔駛諗唔駛煩，雖然好多時都要趕火車，不過感覺真係好正，未去過歐洲，對一切的感覺都好新穎，除左地鐵站之外，周圍都有好靚的景色，有機會的真係想再去。
琴日搭左十一個鐘機，返到香港都差唔多六點，執埋D野，食埋飯就訓，時差好似唔駛適應咁，不過起左身就唔係好肚餓，可能慣左係果邊呢個時間係訓緊覺啦…太多相啦，Up住少少上黎Share下先，要等所有相機的相都Group埋再揀多D放上黎。
要去旅行Loo，今次旅行我都無乜點出過力，都係靠Sharon Plan行程，Book酒店。今日食完Lunch就出去買大家Share黎用的野，同買埋歐洲的旅遊指南，上次係IELM拎到的一百蚊書卷終於可以拎出黎用，不過D中文又有城市地圖的書都好貴，百八蚊本 =.= 商務真係厄錢，之後就返屋企喇…一返到去我老豆就同我講︰「你阿媽又走左出去……略」，唉~次次我去旅行都係咁架，上次去完台灣返黎，阿媽又走左，今次未去又走左，好在今次都唔係鬧得好勁，五點到阿媽就返左黎…
之後就繼續執野，為左節省部份的酒店開支，我帶埋張卷住的露營地舖，放左佢入個背襄到，就無左三成的位置…放埋D野入去都已經滿左，簡直係趕絕手信 @@，不過到返黎果陣應該會掉左D野去，到時應該會仲有位放野入去…希望無執漏野啦~~
今朝六點半就起身，七點幾就開車返番科大，好耐都無試過係雨天渣車，仲要好大雨，返到科大的時候八點幾，拍左架車係坑口就返hall係咁執野。Hall入面的野已經比起Year2走果陣時少左好多，除左多了幾部Figure…執執下出左去尖咀拎野同俾野，然後又返Hall繼續，多得胡子同2Ming，搬野先咁快，兩轉就攪惦晒，不過塞到成車都係野，之後食完飯就渣車走Loo，架車好重，落斜勁快，上斜勁慢 =.= 返到屋企九點半，八個字就返到屋企，然後就執野執到而家，不過都仲未執完，砌番部機，執好晒D衫就停手，聽日先再執，好攰。
應該都唔會返番科大的Hall，上一次搬野返Hall都無乜特別的感覺，今次唔會再返番去，唔會再成班人齊嘩嘩係Hall煮野食，有好多野之後都會比較難去一齊做，有好多Year1做的野諗起都會幾好笑，雖然今年住Hall已經無Year1的感覺，生日再無人衝去你間房扔你落水，D人個個又鎖晒門，連用Desktop都俾人覺得奇怪，條Wing變得又靜又臭，不過都有D唔捨得Hall的生活，至少係Hall朋友的距離好近，而且上網都快D啦…不過生活模式總會不停咁改變。
考完啦！考完啦！終於都考完啦！雖然感覺會考得唔係咁好，但係終於都考完大學生涯最後一次試，正式幫我的大學生涯劃上一個句號，Actually又唔係話太興奮，因為仲有好多野要做…今日口水生日，考完之後就一行五人出左大埔仔食飯，最衰肚有D事，食唔得多野。返到Hall就要Plan下呢幾日要做的野，要去旅行，要去Interview，要做決定，又要去買野，又要搬Hall，得番三四日，時間真係唔係好見駛，希望最後都夠時間去做晒D野啦！
琴晚到左三點都未訓，雖然前晚通頂通到八點之後都訓左六個鐘，訓得幾夠，不過個成日好似魂遊咁，返到屋企又唔係咁想溫書，屋企又無人，十點幾就訓著左，不過中途俾我細佬嘈醒，兩點出左廳睇魔剎，食左個麵，之後係床到都三點幾，到訓著前只係見個天不停咁閃電…一醒左就要開始溫最後一科Final。
仲記得Year1第一科Final係ISMT，Year3 最後一科的Final係IELM，雖然個Course係黎自兩個Dept，不過佢地的內容差唔多，仲有一日時間可以溫，今日的進度溫左一半，係屋企溫左Midterm後的野就開始唔係咁想溫，仲有一日，又通完頂，真係想咩都唔理，不過呢科係考得最多的一科點都要溫埋佢，只係溫溫下又屋企又係到鬧無乜心機…快D考埋佢就Happy喇~
應該係最後一次係科大因為Program而通頂了吧…由琴晚十點幾就開始係咁做做做…做到今朝的七點幾，不停咁有bug，base on VS 2003 .NET, pocket device 的process同butter之間唔synchronize，攪左好耐，最後原來只係wait wait 佢等d process 慢慢咁做完就okay =.=…如果唔理個program係long run 的情況，個program應該已經完成…係考試期間通頂通成咁唔係第一次，不過今次就唔係溫書…好在只係仲有一科要考。八點的天空好曬，但返hall果陣周圍都係人，D人真係好早起身…
今晚係最後一次係Hall裏面煮野食啦！畢左業之後應該都唔會大家一齊煮飯食…最後一次又想用盡D野，結果就由平時的煎黑椒雞翼，變左做黑椒炸雞翼，炸野…唔係第一次，不過係第一次試炸雞翼，結果出黎個賣相唔錯，有幾分似某某快餐店的…不過當然無咁香，最衰係無廚紙，所以先放左係筷子上面等D風吹吹佢…食果陣都幾脆而且肉都夠入味，都係2Ming提議係蛋漿到加胡椒粉，D生粉皮炸出黎先無咁油味。
食完飯就繼續做355個Project，今日終於都試到係個pocket pc client 到download到相…不過要停一陣先可以再做，as要prepare 355 仲有黎緊的IELM…考完355先繼續。最後睇埋係Hall睇的最後一場波就返Hall 訓Loo，返到Hall 都差唔多五點…
的確好似Horace咁講，無Offer果陣好擔憂，有Offer果陣又難做決定，雖然係Accept左個Trainee，Reject左個Programmer，始終個心都忐忑不安，諗左好耐好耐自己因咩而後悔Reject，好多時都俾自己一時間的念頭遮左自己的諗法，諗諗下係因為地方近，同埋Interview果陣佢地的遊說技巧，Interviewer成日都強調入到黎會做好多唔同方面的野，集中係唔同area 的development cycle，間唔中會講比起出面Solution公司的學習環境好…etc，都係呢兩樣野今我心郁郁，不過始終想試下同Client deal，做D唔同層面的野，雖然可能出到黎未必真係如我所願，不過揀左就揀左…唔諗，但係佢突然間話想早D返工，結果十八號就返工，第一日簽約…
昨天收到了兩個Offer的消息，一份係Programmer另一份係Software Engineer Trainee，係上星期三同一日In的工，係同一日收到有Offer的消息，亦要係同日今日Reply，收到消息果刻真係好開心，因為In左咁多間，終於都有Reply，不過要做決定，想了很久，問了很多意見，最後係Base on 自己想試下做D 落Site同Client deal 的Job，所以Accept 左Software Engineer Trainee這個Offer，不過返工地方很遠，係北角…其實兩份工應該係做Programmer 果份舒服D，比較大的公司，返少日工，返工又一程車到，而且又是寫Java的，雖說寫了兩年Java應該轉轉，不過又無掂過EJB，不過係做in house 的mangament system，我又想試多D新野…結果Reject左Programmer，Accept 左個Trainee。之後因為打唔番俾通知我果個人去Reject，留言講左理由，結果佢係夜晚八點左右打黎，加多D Salary，真係兩邊都好唔好意思咁，最後我都係Reject左佢，好似好衰咁，佢加左我都Reject…不過決定左就唔應該再諗Ge…
預祝Angel同Vinna生日，一行十六人出左去食飯，容納到多人的地方係旺角唔係好多，最後都係去番唦嗲王…食完再食糖水，同上次無異，因為多人…之後就搭車返屋企，坐左係司機位果邊，坐坐下有個女仔上車，八達通無錢，又淨係得一百蚊紙，佢無問我唱錢，不過問左近D果個男仔，可惜一百蚊紙實在太難唱，我身上都只係得張一百蚊紙，之後個女仔同司機講，講左一陣又一個焦急樣，唔知係咪太攰，我俾左十蚊個女仔，基本上係幫佢俾晒成程車，as佢只有淨番果七毫子…俾左十蚊佢就覺得自己好有問題，不過以前試過搭車連錢都唔記得帶果陣，都有人幫我俾過，當補番以前果次啦，而且今日收到張十蚊現金券。不過之後個女仔初初問唱錢的果個男仔望住我…哈哈…
這幾天也是在Interview，今天又收到別人有offer的消息，真是有點消沈，因為他只In了一份，而我卻In左好多份，都未有結果…今日十點出到灣仔，間公司得兩個人，打黎約我interview果個無估錯真係老闆，in左半個鐘，大部份時間都係佢介紹公司，同講BI的野，真係獲益良多，事實上對BI同有關的野都唔多，之後就用一個鐘黎做SQL的TEST，有24條，放棄左5條，AS有兩條唔識做，另外果三條唔係好夠時間諗，因為要由Table的Relation睇番佢地裝d野有咩用…而且好眼訓。
做完係電腦城隔黎做左個玉泉汽水試飲，青檸味汽水，著住套suit好熱本來試飲係好事，不過試飲之前飲左包野，試飲果陣又要做問卷，又話我飲得少=.=。不過的確係幾好味，而且係無糖，除左飲完即刻無味有d怪…做完送左張十蚊麥記的Coupon，唔知幾時會出街呢…
返到Hall，成身汗，沖個涼，沖完出黎見到有個Mainland無著Un係鏡前面………洗面。@@好在我係佢背面，之後佢慢慢咁行番入房…點解D人可以咁開放，平時佢地著住Un周圍已經唔係咁好睇，阿姐洗廁所佢地可以照去廁所，而家仲要唔著Un係走廊走，雖然係男層，但經常都有女仔係到行黎行去，Show off 咩=.=………
終於都考左第一科ISMT，呢科要溫好多差唔多的野，而且只有一日的時間溫習，真係唔知考成點，不過考果陣感覺幾好，希望無寫漏野啦。
本來Plan係星期日開始就溫呢一科，不過星期一要Interview，星期日用左黎prep Interview的野，睇公司網頁、Java notes、JavaScript notes、asp的website、VB.NET notes同埋Tomcat notes，明遼自己只係樣樣都識少少，想花時間睇番D基本野，等自己Remind下。星期一上九點堂，上完堂返到Hall再prep下Interview，之後兩點幾就出去Interview，無點問Technique的野不過佢話有結果就今日打黎，結果又無…返到Hall 趕份GNED功課，as星期三交，做左唔駛阻住d時間，做做下就接到Call 星期二有兩轉Interview。交左份Assignment之後就過hall 3 煮飯，煮完返到hall整下d野都十一點，睇埋個公司的website就訓。
星期二朝早十點幾就出去In第二間公司，一去到就做IQ Test，感覺幾好，不過之後Interview果陣，又問我點解咁早搵工，間間都咁問，然後都唔係太多問題問我就完左…之後返番UST，慶祝Last Day去左南北小廚食飯，兩點九左右就出去In另一間公司，早到三個字，炎炎夏日著住套Suit周圍走，好在有瓦遮頭，上到間公司，先做九十分鐘Written Test，有IQ題、Comprehension同Java 加少少SQL的問題，除左Java知道自己錯左好多，我諗其他都無乜問題，次次做親Java的test都覺得好新鮮，問親的野都係唔同的area，今次問的都係D compliation 的error，不過好多case 我都未試過，枉我做左成年Java，又用Java黎做FYP=.=，做完等左十分鐘HR有人黎In 我，In左我諗二十分鐘左右，等多十分鐘，到Department 果邊有人In我，In完都六點半，結果Last Day 都走埋D堂 =.=。返到Hall食埋飯都差唔多八點半，然後先開始溫ISMT…
好攰，真係好唔想溫，一路溫又一路諗起自己做個Java Test 果陣有好多都錯左，不過之後一溫就溫到三點幾，第二朝十點幾起身繼續，好在考夜晚七點，如果唔係我諗我唔會夠時間去睇份Study Guide入面的Question Pool，好多Terms要背，好在都記到大部份。而家終於考完，終於可以抖抖…不過仲有個355Proj…
唔經唔覺都In左十幾份工，不過都未有Offer，In親programmer都會問我，有冇留意咩新的技術，有冇去過D咩open source 的網站，有冇平時寫D野黎玩，我諗我真係一個唔夠熱誠的Programmer，好多野只係識少少，Skill又唔夠，又唔係太熱衷係program上的發展，In親的公司大部份都問J2EE，事實上我係有寫過，但係對成個Architecture我都唔夠認識，問到D layer，或者有咩Support or EJB 我都唔係好識，我還應該再溫多D 呢方面的野…做親written test都成日答錯野，事實上好多野都係識o既，真係有D灰，覺得自己表現好差，開始好在意自己的得失，原有的信心都無左好多，不過諗諗下其實自己好多野都prep得唔足，而且我亦明白時間尚早…希望慢慢會改善，會有好消息啦！
今天 (正確來說是昨天) 收到了一份畢業禮物，係我Roomates同佢地D Friend送o既，真係好suprise，無諗過會收到，至少我無送過俾Rex，收到的係一枝筆同一本相簿，佢地想相簿用黎裝畢業相，幾有意思o既~不過收到之後又覺得自己好衰，成日都埋怨，雖然我無當面講過，但同佢地一直住的一段日子，我只看到佢地的懷習慣，經常有小人之心，真係好對唔住，另一方面真係好多謝佢地，雖然只係識左一年，但係佢地好有心，好多謝你地份禮物~
呢一年就黎完結，最後一年的學校生活都好快就無Loo，試下用Flickr黎post番今年影果D相先，有幾個player可以試，不過用呢個好似好靚D。因為係屋企upload的關係，無咁多相係屋企部腦，remote番hall條線又勁慢，up住咁多試下先…
今日見355個Website無Lab的material，三點就返屋企，不過剪左頭髮先，還好的是去到salon佢剪緊一個客，平時間舖又細又多客，今次可以唔駛等，不過剪得唔短，雖然我叫佢剪短D。之後五點左右先返到屋企，係房到見到IELTS的成績，係我Expect的成績，對一個英文係UE只係E的人黎講，呢個成績好好… ︰)
坐坐下我Mom拎左份都市日報俾我睇，睇到佢上報紙，經社工的邀請，講番屋企個情況，勸其他人唔好沉淪，見到份報紙其實好唔安樂，份報紙有相，雖然見唔到佢個樣，但係因為呢D事上報紙，對屋企每一個人黎講都唔係一件好事，何況，問題跟本未有顯著改善。 希望份報導會幫到其他人啦…
之後見時間早又未煮飯就Suggest左出去食，不過係我請，本身上個星期都Plan左，因為母親節，不過又唔想正日出去。然後渣車出又一城食，都有兩個月無渣過車，一渣就渣左八十公里路，先由屯門去藍田接我阿婆，再去又一城，然後vice versa…本來諗住食D唔太貴又飽飽地的餐廳，結果因為屯門公路塞車，去到長青Tunnel又塞車，九點先去到又一城，結果食左page one 上面間八月花，見餐牌就知out budget… =.= 套餐六位用1xxx，最後散叫左D小菜，不過都唔太好味o既…可能係嗌錯左野啦…最後因為Out budget只好簽卡，簽卡果陣我大佬講左D野，如果佢唔係做左果D野，我諗我聽完都唔會覺得反感，不過算La。
渣車回家的途中都有聽住中大學生為情色版辯護的電台節目，話色情版係回饋社會對大學生的付出，有聽眾打黎問佢，佢就係咁推，好似AGM咁，又唔認錯，真係無聊…
今日有另一間公司Interview，四點半去灣仔In，間公司夾左係灣仔站同金鐘站中間，睇地圖係邊個站行過去都一樣遠，所以係番灣仔出，上到間公司二話不說就開始做Written Test，之前打黎約時間果陣其實無提過要做Written Test，等我不停咁睇公司d 資料，prepare interview 的問題，次次prep 完都無得答ge，份Test 唔係太難，四十分鐘做五題，點都好過之前二十分鐘做五題，頭三條都無問題，係之後果d 唔識做，一條因為好耐無寫過JavaScript，唔記得點拆String，另一條要搵Prime Number的和，好白痴咁諗Runtime 問題，無用到個一定得的Ans，仲要寫錯左d白痴野，成條咁又無左 =.= 。
每一次Interview都表現得唔係咁好，總係答錯左一D野，報親programmer 同developer連written test 都pass 唔到，不過做左幾次remind 左好多野，枉我用左成兩年Java，好多基本野其實我都唔記得，要再溫下書先得…
造了一個惡夢，其實不是惡夢，只不過夢入面係屋企成日出現的情況，勁嘈，結果係入面忍唔住嗌左一下… 嗌完果下係醒左，不過無為意自己真係嗌左出黎，結果我Roomate俾我嘈醒左，仲問我有冇事。係我的潛意識入面，原來只係記住呢D野…哈哈，精神開始有問題…
已經連續兩日，朝早未夠七點就醒左，一醒左就唔係咁易訓得番，每次醒左望一望個鐘都…O... 之後就訓番落床，可能係太熱Gra，又或者係有陽光曬到入黎…
不過今朝都要十點出到側魚涌去Interview，結果係張床到Tarn多一陣就要起身，Print埋張Resume九點九左右就去到，太早，係太古坊果邊果間麥當勞等左一陣。上到去先知份工係Support Domino Server，但係 7 x 24 on call，要日日帶著Pager，In 左三四個字，連自我介紹都唔駛講就走左啦。返到科大剛好十一點半，換番衫就上堂。
無走到IELM，無走到Lang，不過走左COMP，部機又有個風扇壞左，今次到火牛個風扇，如果唔係拎去2Ming到試野，我諗我唔會知佢停左，結果又要出黃金買個，見到D浮磁七十蚊個，真係有D 想買，不過七十蚊買個風扇，而且只會仲有十幾日會長開部機，買一個，就太奢侈…所以買左個好少少但平一半的。
去完黃金返番彩虹買野煮飯食，中途見到有店主放左幾隻鸚鵡係舖頭出面，影左隻比較貴同大D 果隻，仲有幾隻係佢下面，好在佢唔係放係雞檔隔黎，如果唔係佢實好難受。
今日好難得咁Book左兩個鐘頭羽毛球場，雖然打果陣唔係打Book 左的場，好多人都Book 左場又唔去打，真係隨時行上去都有場，尤其係呢排等Final 的日子，打波的人少之又少。同Jacker、胡子、口水打左兩個鐘，我打足全程，不過我唔係太郁，都重未練好拉人地去後場打，成日打出界… =.=。打完之後食左個飯，無耐就去左游水。今日無雲，好似好熱咁，仲諗住落水唔會太凍，點知凍到抽筋，好多人游水，亦有好多Exchange。打完波都唔係好敢游自由，游左三轉自由，加幾轉蛙式，係口水仲咁好氣游多兩轉，不過之後都一齊坐係到曬，得閒游多幾轉先，好耐無游水，唔係好夠氣…
未試過一大班人咁早出旺角睇早場，八點起身，食住個包咁就由屯門出去，上車的時候八點八左右，好在架車好快，九點五就去到戲院…唔知點解套戲的笑位咁多，同之前果兩集的作風唔同。
隻Venom無預期中咁多戲份，後尾好快就打完，中途影響Spiderman的性格果到又有D奇怪，除左一開始果陣佢變惡左，之後佢就變得好輕挑，好似食左興奮劑咁，不過打鬥位係幾好睇。睇完之後都成十二點，一齊唱左Lunch K 之後就返Hall。
好幾個星期無係星期五就返屋企，說實話的有一半唔係好想返去，不過同時間覺得唔返去又唔係咁好，唔係咁想一返去就聽到兩老係到嗌交，兩個傾傾下計都鬧得好激Ge…不過返親去都好鬼早訓左，上Lab上到六點左右，係四美街等車，等左成半個鐘都無巴士，個個都等返屋企，都唔加密下班次，上車無耐就塞車，結果差唔多八點先返到屋企。一返到屋企食完飯，佢地又嗌交，不過食完飯就好眼訓，坐坐下就訓著左…一來好攰，二來可能我唔想理。不過攪到而家三點幾醒左 =.=
今日又可以同HSBC的舊同事打羽毛球喇~做完FYP，之前又打左兩轉波，打波果陣感覺幾好，已經再無好似之前咁成日撻Q，擋到快波，不過都可能係打波之前無食得太飽，不過…其實今日都食得幾貴，去左山林道的老趙食野，對一個學生黎講七十蚊咁食，真係唔係咁化算，不過都剛好夠食Ge =.= …一打打兩個鐘，係中間停左一次大約二十分鐘。打到十一點，不過打完波實在太肚餓，返黎果陣見等車多人，係彩虹買左D 腸粉加燒賣食，結果返到Hall 剛好十二點正。
返黎果陣影影先…
今日，勞動節假期，晴。天上面只有幾舊雲，天空好藍，清涼的風係身邊吹過，係做運動的好日子。拎起久違的網球拍同網球同2Ming、胡子再踏入網球場…
好耐無打過啦！好似自從我生日之後都無打過，少左塊貴拍，不過仲有三塊拍係Hall，拎左十二個波落去，結果我打走左兩個…=.=
一個波仲貴過個橙，不過仲有好多Inventory。太耐無打喇，已經唔係好鎖到個手腕位，攪到成日握唔實塊拍，打起黎無力，一係就角度錯晒。不過都只係打左一個鐘多D，之後就有人黎拎，
好耐未試過出咁多汗，唔知下次幾時再打囉…
今日參加左CSSS舉辦的羽毛球活動…應該係我係Grad之前最後一個Join的活動，本來以為佢地係Book場同人地打下波，點知係一個比賽黎，仲要同Donald一齊報，最後大家係分開左兩個大Group咁比賽。自從做FYP個Present之後體力開始下降，訓極個頭都總係有D暈咁，成日都好攰，就算係頭先上去打波果陣都係，發力之後就好攰，第一次真係咁同人比賽，結果係對住上屆的Ex-Co，好在係直接得分，第一場21:18，之後先知仲要打多場，As三盤兩勝制，好少打單打，同同事打開波都打雙，所以有好幾個位我都好少打，結果佢發現左…不過係第二場佢成日打出界，最後21:1x。進左級 =.= ，本來諗住上去拎番十蚊Refund，不過打完成身無晒力，之後就去Hall3煮飯，再做COMP355…
昨天在家裏找到這個放在盒子裏很久的東西…盒裏仍然留著一點點值得紀念的東西，不過那個東西紀念的事情並不是關於我的…因為係生日禮物，又係親手摺的，所以一直放係盒到，收到親生造的生日禮物不多，就算有的都消化左…尤其是在這年頭，應該無乜機會再收到親手造既Loo...
所以一直保留住，係呢排張台多番個櫃桶，就拎佢出黎…我諗我都保存得幾好，因為都就快七年，不過佢無變色…
