下白泥

今朝同胡子睇左Cloverfield，被廣告玩神秘吸引，用埋張就過期的免費飛…去左屯門間UA睇，晏晝去睇，得幾丁友係入面，始終比隔黎果兩間戲院貴，無人咁仔。戲的內容不多講，只覺得有幕好嘔心…同埋會睇到頭暈，不過都好好睇，咁的片咁的拍攝手法非常新鮮。

然後再去下白泥的木屋仔果邊同屋企人食飯，五點幾入到去無乜野做，同兩隻狗仔去散步，唔係市區，帶狗散步唔駛狗帶，我一路行佢一路跟，有時佢跑去前面等我，想帶我行佢條路咁= =，可惜好多地方得狗先入到，見我唔入就跟番我後面…不過最後我返番屋果陣佢地就走左去。沿途影左兩張相，都係睇唔出果到係下白泥，本來想影白鷺，但行近D就飛走…

抽獎

前晚一班人咁去食韓燒，應該有兩三年無食過…一行五人，食到成身臭晒。件衫給晒D油煙味，好似煮完飯咁…食食下聽2Ming講起OK的一番簽，之前都有諗過去抽，但係搬屋搬到咩都唔記得，都無去抽，結果今日係引誘底下去左抽一次，果然係十二月的野，去左幾間OK都無，最後搵到間抽一抽，抽中左個杯，隻杯幾大隻…不過佢無得俾我揀，Halo杯無晒，得番聯邦印章杯，不過都好…始終50大元一次，很貴…抽一次就夠晒。

壞了Wii

…星期五部Wii壞左，讀咩碟都讀唔到，本來都只係係console出個問號，確認唔到光碟，慢慢就變左Load Load 下出黑畫面，本來已經無咩好做，而家連Wii都壞埋…結果拎番去買果間野到整，要到星期二先知咩事，唔知要俾幾多錢換件，到真係整又唔知要等幾耐，雖然平時放工都好少玩，但係星期六日無得玩，唔出街的日子就唔知可以做乜。或者係借得太多俾人…成日拎黎拎去，攪到壞左，整番好的都係唔再外借，哈哈！

星期六去左阿爸果間木屋仔食飯，暫時分開晒住，一家人食飯的機會好似好難得咁。基本上咩設施都無，不過入面電腦就有幾部…屋仔下面有紅樹林，近海邊，可以望到深圳，有白露、亦有無數山狗…次次入去Smart Tone都收唔到，變左CMCC…反而PCCW就收得好好…食完飯再出黎都差唔多十點。

屋入面的兩隻狗，得幾個月大，已經有咁大…一入屋就撲埋黎，係咁Larm…

出面啱啱又有狗仔出世，好細隻…其中一隻成日係出面徘徊…

舊屋隨影

屋企最後清空的樣子…話說搬晒D野之後就病左，一返到胡子屋企就訓，所以一路都無放D相上黎。身體差左好多，不過每日搬野，有 Promotion Period 果陣的感覺，又係好鬼凍，又係係咁搬野，差在體力無咁快回復。

下面呢張係4年前影的…

快搬了

新一年也沒趕及開Post，快要搬了…放左工返屋企都繼續執野，除左出去打波同食飯的星期三同星期五，屋企的家俬都搬得七七八八，只淨下梳化同埋電視，所有櫃同床都原好咁拆晒，運左去木屋仔果邊，而家我間房就咁左咁…得我部機仲駁住線，用得又上到網，其他的都蚊晒。


就咁樣，就要離開住左七年的屋企，第三次搬屋喇，雖然對比起某d人搬左十幾次只係微不足道，不過搬屋真係好煩…新屋果邊仍然都係到裝修緊，呢一段時間就要投靠胡子，希望快d整好晒d野啦…