今日放工過左尖咀還Modem，好在帶埋條LAN線去，原來無LAN線要罰千二蚊，唔知咩道理…返番屋企都九點…一路行返去，雖然平時都有好多狗周圍走，不過頭先行到小巴站果邊，有隻狗係草叢衝左出黎，見到我就縮番入去，望真D佢…見到…佢有對好粗的眉…仲打左眼影=_=唔知係太黑我睇錯，定係佢真係俾人整蠱，一見到我望佢就頭Dup Dup咁，真係可憐…雖然係咁，當然……唔理佢繼續行，當行到屋企樓下…搵緊鎖匙開門果陣，有隻貓行左過黎，係我身邊兜園，邊叫邊埃住我隻腳@@，我一打開門…佢就衝左上屋企，當自己屋企咁@@，不過佢見到我Mom就即刻走番轉頭，坐係樓梯唔走，最後要用鎖匙引佢先出番去，或者周圍D狗係咁吠，佢好不安掛，不過佢本身有個項圈，又有噹噹，應該都有人養GE…
工作在束縛著生活呢，放工食飯休息，放工食飯休息…雖說間唔中有聚會，不過總離不開這個框框。是自己太笨，經常遲走，有時其實都唔需要，只不過有時想完成五點幾下達的命令，也許沒有說過要今日完成的話，就應該離開，不過還是不習慣…不過就算準時走，都有一小時左右用左係歸家的路途上，每星期總有個Min Time唔係自己咁。或者係車訓、係車打機都係做緊自己野，不過總覺得抹煞時間，感覺就好似係公司困左半日，然後再係車到困多陣，然而如果唔係訓的話，又係對住個Mon，NDS上的Mon，或是西鐵的新聞直線，前排有買個書係車睇，不過睇睇下就無再睇落去，因為做完野好攰，而家係車到連NDS都少打。快要轉Team，唔知到時會點樣，下個月開始收Call，更加唔知會點樣，希望無事啦…
今日要拎部Notebook返屋企做Testing，本來係情人節晚先做，不過老闆話提前一日好似好D…對我黎講，無乜大分別ge…不過收到朱古力，非常高興~很甜很甜很甜(我指味道)，很抱歉沒有回禮，希望我講左的野會夠時間做喇…Anyway結果今日成日用左大半時間係執Data到…同個Student一齊做做做，間中又做番Enhancement的野…去到七點開始ver d data，八點個Mainframe Login就俾人踢返出黎，返到屋企再繼續…
返到屋企九點幾，坐坐下就十點…本來應該開始，結果再Ver ver data，試左好百幾隻Account 都出唔到D野…然後Netvigator竟然斷線，個Mainframe Login hold 住左Login 唔返，好在有Msn…整整下都十一點，都仲係出唔到想出的野，最後竟然係Check少左個File… = =，明明應該無refresh 過D data，偏偏入面無晒data…Load 埋data再試，攪到點幾先開始果3個鐘的Process…好在第二朝可以晏D返…本來預計十點到一點，變左一點到四點。
寒風陣陣，已經有好耐無經歷過咁凍的新年，雙手已經抵禦唔到寒風，手指間的位置爆刷開始嚴重…記得中學的時候，係呢種天氣下仲可以著夏季PE衫上PE堂，諗起都覺得變態。Office很乾，手部的血氣唔好，琴日做做下野手背的紋路都開始變白，每朝出門口都唔記得渣下野潤潤佢，攪到而家用熱水洗手都覺得痛，希望凍的日子可以快過D…至少行返屋企的路，都可以唔駛咁凍。今日Peter係櫃到拎左個放左係Office成個月的蘋果，乾到D皮都起晒摺…唔知係Office坐得耐，會唔會變埋人乾…？
雖然搬左入新屋，不過最近廁所牆身…actually係角位滲水出黎，又要搵人黎整，一整又唔知整幾耐，又唔知用水會唔會好麻煩。今朝屋企架車又俾人撞爛左個車頭，又要拎去整，新年咩都爛左咁…希望好事快到，衰氣快走啦！
