D90入手

終於都買左D90喇，當全港的大行都無Body賣的時候，就去試下D細舖，上Nikon網站Check左特約零售商，加上Forum網友的消息，於是係星期一Lunch果陣搭車過左尖咀買機，一來驚淨番果兩部會好快無左，二黎驚俾人厄…不過一入去果間舖基本上門面乜野都無，但係成間舖都係Nikon的金盒，急急咁試左一陣機，無乜問題，咁就食過M記搭番車返公司繼續做野喇。

於是，而家部單鏡，就變左咁的組合喇…

返到屋企試影左幾張，再試埋D係試機果陣無試的野，因為太多Function，所以都試左好耐。

個盒好大個，買果陣本來佢無袋…好在佢間舖有個後生的同事俾左個DKNY袋我，如果唔係…真係唔知點拎返公司。