送行

今朝早五點幾就要起身，六點左右渣車入機場，差唔多七點入到機場，細佬搭十一點機，不過要八點幾Check in，七點幾未食野，結果係機場飲左個早茶。叫左幾碟野就兩百幾，真係貴。Check in 完無乜野做，影左D相就送佢入閘，希望返黎香港果陣會生性D喇。一過去讀，就要幾年，呢個星期屋企人都怱怱咁出街食左幾次飯，又不停咁影相，相信呢張應該係影得最好架喇。



送完機之後無乜野做，就過左一過大佛果邊行下，話說阿爸阿媽都無搭過360，又唔會無端端去果邊，跟住就坐左360 上去，一路上除左遊客，一個人都無，都係睇左一陣就返歸，係纜車上面遇到三個外國人，兩個巴拿馬人，一個希臘人，佢地係到傾傾傾，好似我唔識聽英文咁，不過佢地的話題真係好悶，無端端係到講希臘歷史，講講下佢地諗緊無纜車點上去大佛，同一個問題講左兩次，結果我就話佢地知其實可以搭車，再講下有咩地方可以去…希望佢地唔會覺得我咁遲先話佢知，又搭佢爹好無禮貌咁喇。最後返到東涌，係東薈城食埋Lunch，就渣車返去。