閒寫

最近比較燥，可能病好番D之後的一個星期，頭都Keep住暈暈地，返到公司做野又慢左。返到屋企聽我Mom講野都發發脾氣…只有係砌模型之後先可以放鬆心情，變到自閉咁…另加番D模型相係前一個Post。

上星期日返左公司幫手，諗緊好唔好將果日Com Leave 係今年放，不過今年都就完，帶埋過下年可能仲好，好想放假！下年一月拎一日當Buffer，順手應該可以貼住個星期六日，當搬屋幫手都好。

今日同同事一齊去左食Buffet，唔敢食生野住，不過食左少少生的八爪魚，應該無事掛，不過成個Buffet都唔係太多野食，係好鬼多蝦，食完之後就再過左新港打陣機，阿May玩拍拍機簡直係變態=_,=…搭埋車返到屋企都十二點幾，但係我地十點半就走，點解……遲D搬埋可能仲耐添。