塞車…

今日屯門公路塞車，七點幾上車，九點先到荃灣，平時係巴士坐四個字，地鐵企一個鐘，今次坐個幾鐘，真係補番晒，不過就塞車塞左個幾鐘。汀九有警察折車已經奇怪，差唔多所有車都係汀九改道，得番巴士繼續向荃灣方向行駛，結果行左無耐就見到慢線同中線淨係塞住D巴士，間唔中郁下。返到公司九點十，都仲未齊人=.=，塞左車都好似對我無乜影響，反正九點三先開始有人返到，唔到十點唔齊人，只係自己少左時間做野。

不過今日又發現自己做錯野，之前寫果份Spec有兩樣野o岩o岩先發現做唔到，理論上如果佢係Asp或者Jsp的話一定無問題，不過佢係Pearl Gen出黎的CGI，加上係我之前無睇清楚份Doc，太大意啦，做野經常都唔小心…聽日又要落去Set場，希望一切順利就好喇。