十蚊

預祝Angel同Vinna生日，一行十六人出左去食飯，容納到多人的地方係旺角唔係好多，最後都係去番唦嗲王…食完再食糖水，同上次無異，因為多人…之後就搭車返屋企，坐左係司機位果邊，坐坐下有個女仔上車，八達通無錢，又淨係得一百蚊紙，佢無問我唱錢，不過問左近D果個男仔，可惜一百蚊紙實在太難唱，我身上都只係得張一百蚊紙，之後個女仔同司機講，講左一陣又一個焦急樣，唔知係咪太攰，我俾左十蚊個女仔，基本上係幫佢俾晒成程車，as佢只有淨番果七毫子…俾左十蚊佢就覺得自己好有問題，不過以前試過搭車連錢都唔記得帶果陣，都有人幫我俾過，當補番以前果次啦，而且今日收到張十蚊現金券。不過之後個女仔初初問唱錢的果個男仔望住我…哈哈…