終於都買左D90喇，當全港的大行都無Body賣的時候，就去試下D細舖，上Nikon網站Check左特約零售商，加上Forum網友的消息，於是係星期一Lunch果陣搭車過左尖咀買機，一來驚淨番果兩部會好快無左，二黎驚俾人厄…不過一入去果間舖基本上門面乜野都無，但係成間舖都係Nikon的金盒，急急咁試左一陣機，無乜問題，咁就食過M記搭番車返公司繼續做野喇。
於是，而家部單鏡，就變左咁的組合喇…
返到屋企試影左幾張，再試埋D係試機果陣無試的野，因為太多Function，所以都試左好耐。
個盒好大個，買果陣本來佢無袋…好在佢間舖有個後生的同事俾左個DKNY袋我，如果唔係…真係唔知點拎返公司。
今日終於都放左部D60出去，原因唔係因為佢唔好用或者壞左，而係真係想試下玩多D定焦，但係AF-S的定焦實在貴得很，所以最後都係決定放出去，轉去D90。本來無左呢個諗頭好耐，不過見到2Ming咁做左，最後都忍唔住放左，計埋舊買左無耐的原廠電，洩左大約$1,500，買家是新手，賣的時候我都有講過CCD有機會有塵的問題，至於佢想用番Nikon的舊鏡，我也唔太清楚，不知佢舊鏡的Mount係咩Mount。
賣左之後就要等D90，未有貨，都仲等緊。
同日，阿爸又拎左隻狗返黎，今次係狼狗女，一入黎就係咁甩毛，不過好乖，雖然好大隻但係成日好似好驚咁，當然新地方會有D驚ge，今次帶返黎都係純綷阿媽想睇下，不過佢係咁流口水，又甩毛，當然最後亦都會送番去木屋仔到，而家果到已經有四隻狗，一隻貓，希望唔會變成流浪狗之家喇，呢隻狠狗都係人地俾…
這兩天天氣大好，不過都無出去影相，因為好熱…雖然有諗過去青馬果邊影，但係睇左人地影的相，都係覺得搵日去馬灣影會仲正，所以都無去到。或者放Core果陣就過去影影。最近，俾左部Ricoh R6我細佬，變左無snap機用，得番部大機。眼見R10就出，但係同R8無乜分別，所以都心郁郁買，不過我老豆信用咭有折，琴日就買左喇…
室內影的相，同之前部R6一樣，不提也罷…因為部機白平衡係室內唔夠光果陣，都係好唔準，要Manual Set 先得，不過都係用佢黎影室外多，所以無所謂吧…
ISO 200 以上是沒有用的，不過要用到ISO 200 以上我都會用大機吧，最多咪開閃燈~雖然睇評論，大家都踩到佢一文不值，不過其實佢Focus好快！好準，但係大家都仲係話佢Focus好慢，不買咩機都係個人喜好，反正我唔係要求佢好似單鏡咁。
不過係拎番黎的第一部，俾我發現到Lens有塵囉，今朝拎左去換，睇左兩部新機先有一部係個Lens係乾淨，我知部機都係2000幾，不過個中原的Sales話，買萬幾蚊的鏡都有塵係入面架…我只好回應佢，咁果個人Check果陣一定唔買果支啦。之後換左部乜事都無，就再試下部機，係屋企試拍全黑的相果陣發現有好幾點係光，不過都係放到勁大先見到果D，再試下舊果部R6，都係一樣，不過10 megapixel，加上只售2000幾，我諗大部份傻瓜DC相機都係咁吧…
今日第二枝鏡入手，買左支AF-S 16mm-85mm，呢個Range 去旅行啱晒，周圍去影相非常方便…不過係新鏡，頗貴~一野用EPS俾晒先平。買完之後就等Donald買埋支70mm-300mm…之後就聽2Ming講去左旺角熟食中心。
等飯到果陣就影下D Lens，左邊係本來果支Kit Lens，中間果支係Donald果支18mm-70mm，右手邊果支係佢啱啱買果支70mm-300mm，雖然好大支，但係同我用黎影呢3支新買的16-85差唔多重…
然後聽2Ming介紹食左個咖喱農包，話說係Open Rice 旺角第二的…好大過食到好飽。
返到屋企先影下買左的呢支鏡個樣…
香港寬頻的廣告，返到屋企播，西鐵播，巴士播，返工聽，放工聽，食飯聽，每次聽到豈有此理都覺得係精神的虐待…之前佢的廣告都係串緊用ADSL上網的公司，串得黎起碼有內容，呢個簡直令人生厭，當朝早未訓醒，收工好累係車訓，返屋企休息睇電視，都要聽佢重覆幾次的豈有此理，真係覺得好鬼煩……而且，用ADSL無錯丫，佢好似講到錯晒咁，點講都好過幾百戶Share一條光殲。
前日拎起部D60，一影之下發現…相片中多了幾點，fo遠野fo近野，Zoom遠zoom近，粒點的位置都係唔變，再變下個光圈，大光圈下黑點Blur左，好似有黑斑咁，小光圈到到f36，就見到成粒野痴左係到咁，問左好多人，多謝大家的意見…最後今日Lunch果陣拎左上Nikon的顧客服務中心到Check…
好在Lunch上面一個人都無，唔駛等，一同個Staff講有點點，佢就問係咪灰灰地咁，俾埋相佢睇，二話不說就指係CCD污漕，買左才一個月，唔駛錢洗CCD，因為要等45分鐘，所以放左工先上番去拎。為免放工多人，個Staff係咁講的，六點走…Hmm…幾乎係最早走果個，結果上到去都係無人。試下部機，特登再用f36，發現點的位置變左@@，不過係少左ge，問佢可唔可以再洗，出返黎，又有兩粒，雖然人地就快收工，但係…再洗，個Staff話我用咁細光圈check，不過都再幫我洗，最後出黎有粒佢話係Filter到話洗好麻煩，啱啱係佢地的收工時間，免為其難拎番部機就走…不過如果唔係用咁細光圈都唔會見到ge…
返黎果陣搭巴士，有個印度的小朋友…唔其實應該係初中生問我借電話，係巴士到，借左唔會走左去吧，有著香港人都有的想法，借左俾佢用，Touch Screen佢唔識用，教埋佢用，不過佢打出去果陣打埋133，我諗無乜小朋友咁醒吧…之後係巴士到Liu我講野，哈…
幾部Figure 終於都開封，好想整個display櫃放佢地入去，如果唔係放一兩日已經漬左D塵係到，不過整晝櫃果陣又無諗過係佢下面加個display櫃，暫時都係就咁放佢地係張枱到，得閒先諗下點擺…
終於都等到張新枱完成，話說應該係我阿爸最後一張幫我造的枱吧，細個果陣好多家俬都係佢做，包括床同櫃，搬左三次屋，頭兩次佢都會整，每次整果陣都係屋企，攪到木碎淋漓…因為想屋企d家俬係實木，所以佢都會整，加上工具很多，那時的時間也比較充裕，所以屋企以前的風格，主宰係佢雙手…今次搬屋，就變左係我手…除左個廚房。不過唯獨我想整的枱，家俬舖話唔造，就變左阿爸提議佢自己造，用左一個月時間，將鋁通接合埋一齊，因為鋁唔可以燒焊，所以用左較長時間；買埋茶色玻璃…到我手果陣，我再噴層油，上埋光油…再係d茶色玻璃貼黑紙…結果就成了這個樣子…
差個櫃桶就咩都掂晒，可以開埋最後的兩個箱…
BTW…見過狗單眼未呢？今朝影樓下隻狗，佢俾主人綁住左等散步，影佢果陣識望鏡頭之餘，仲單眼添…哈，咁樣俾我影覺得好無奈吧…
上星期買了相機，其實係去歐洲前都已經諗住買，不過我老豆買左，果陣又無咁多錢。本來無諗住買單鏡，不過最後都買左，的確屋企仲有部可以7倍光學變焦的傻瓜機，結果就買左部D60，平平地，暫時又無諗住玩咁多鏡。拎上手比起想像中細部，雖然眼見Forum D人又話部機無手感，又唔夠玩，只係D40x的加少少板本，不過對於無DSLR的我，無乜所謂吧，至少屋企部菲林單鏡，已經係十年前的玩物，用呢部黎練下都ok啦。試機果陣用A Mode黎影左呢D野…
