今晨零時，一行五人攀登鳳凰山，影22號的日出。先搭車去伯公坳，再行緩緩咁行上去。未行過山，除左電筒同水咩都無帶，一路行下停一陣咁行，雖然停的時間唔多，不過花左兩個鐘先上到山頂，上到山頂果陣已經發現有人係到。今日天空無雲，滿天星星，唯獨月光太亮，否則更多星星，而且影的話應該會幾好。
今日食完飯就接到阿爸的電話，說是電單車撞了…之後就同阿媽過左醫院。搵左一陣先搵到阿爸係邊，見到手損晒，甩左骹，很痛的樣子。然後阿爸同阿媽講左句Sorry，感覺還真係有點心酸。不過看似沒事，已經唔太擔心，之後照了兩次X光，醫生說沒有骨節，不過見阿爸訓係到連反身都反唔到，應該好辛苦。之後夜左，佢兩個都叫我返屋企先，後黎阿媽返黎話阿爸拉傷左肌肉要做手術，而家要留院。本來諗住呢幾日補食父親節的一餐，都要再押後。希望會快D好番啦…
好耐未試過一大班人咁燒野食，仲要係屋企咁燒，有D中學時候經常齊嘩嘩係車房燒烤的感覺。十四個人，簡直係挑戰我屋企的容量。雖然屋企預左有人會黎燒野食，不過都未試過，個爐放左係到一段日子，終於都開光。
燒完野食十四個人坐係到的大合照。
攪到大家咁夜，仲差D返唔到屋企，有機會黎真係要早D燒。
今日放晴，本來琴日已經出返太陽，但係仲有d黑雲係到，不過今日d雲變返白色大大舊，仲有藍天，結果食左Lunch就過左南生圍，估唔到的近…雖然好快去到，但係入面行左好耐，眼見人人踩單車擦身而過，行路好似有點白痴…雖然天色好靚，不過都唔係影得太多，我諗等多人D一齊去先影多D啦…
琴日本來相約好去南生圍影相，之後再返黎屋企玩，可惜成日都黑雨，結果無去到南生圍。雖然無話特別想去，不過都未去過。話說六點果陣都醒左一醒，睇睇電視，都仲係黃雨，雖然出面好大雨，點知訓到八點幾就變左黑雨，原來六點幾變左黑雨，真掃慶…不過變左成班人早d上黎玩wii 都幾好，尤其係當有人企係wiifit上面俾人影相的一刻，係爭在bbq唔到，次次都食pizza。
雖然早左上黎，但係都去到十一點，好在走果陣無乜雨，係返黎果陣，過左深井就超大雨，大雨到連前面的路都睇得唔係好清楚，後面d 車又近，Keep住只係睇到水潑潑走D水果刻先見到前面少少，都幾驚險…
香港寬頻的廣告，返到屋企播，西鐵播，巴士播，返工聽，放工聽，食飯聽，每次聽到豈有此理都覺得係精神的虐待…之前佢的廣告都係串緊用ADSL上網的公司，串得黎起碼有內容，呢個簡直令人生厭，當朝早未訓醒，收工好累係車訓，返屋企休息睇電視，都要聽佢重覆幾次的豈有此理，真係覺得好鬼煩……而且，用ADSL無錯丫，佢好似講到錯晒咁，點講都好過幾百戶Share一條光殲。
